This glorious Saint was born and lived on the island of Cyprus. He was born of simple peasant parents, who lived and worked in the countryside, and he was and remained simple and humble till the day he died. In his youth he married and had children. When his wife died, he completely devoted himself to service to God. For his great devoutness he was elected Bishop of the city of Tremithus. Notwithstanding his episcopal rank, Saint Spyridon kept to his accustomed simple manner of life and continued to watch over his flock and work in the field himself. The greatest part of what he had gained he distributed to the poor, keeping only a small part for him. With God’s help he wrought many miracles: the heavens opened at the prayer of Saint Spyridon and God sent a gracious rain at the time of a terrible draught, he stopped the flow of the rushing river, he revived several dead men, he cured the Emperor Constantius of his illness, he could see and hear the angels of God, he could discern people’s hearts, he converted many to the true faith etc. He took part in the First Ecumenical Council in Nicaea and with his simple but indisputable confession of the faith he brought many heretics back to Orthodoxy. He wore so poor clothes that one time, when he intended to enter the Emperor’s palace having been invited by the Emperor, the guard considering him a beggar hit him in his face. The meek and peaceful Spyridon turned to the guard his other cheek. Having glorified God with great many miracles and having served to many for their personal benefit and salvation, and to the Church of God as a whole, he fell asleep in the Lord in the year 348. His miracle working relics were taken to Corfu where they have been kept ever since, glorifying God with countless miracles to this day.

Свети Спиридон Чудотворец, епископ Тримифунтски 

Место на раѓањето и на службата на овој славен светител е островот Кипар. Роден е од прости родители, земјоделци, а и самиот беше и остана прост и смирен сѐ до својата смрт. Во младоста се ожени и имаше деца. А кога умре жена му, тој сиот се предаде на служба на Бога. Заради неговото особено благочестие беше избран за епископ на градот Тримифунт. Но тој и како епископ не го измени својот прост начин на живеење и околу својата стока и обработката на земјата се трудеше самиот лично. За себе многу малку употребуваше од стекнатото, поголемиот дел им го раздаваше на бедните луѓе. Со Божјата сила покажа големи чуда: низведе дожд во време на суша, го запре текот на реката, воскресна неколку мртовци, го исцели царот Констанс од тешка болест, ги виде и ги слушна ангелите Божји, проѕираше во тајните на човечките срца, многумина обрати во вистинската вера итн. Учествуваше на Првиот Вселенски Собор во Никеја и со своето просто но јасно исповедање на верата, како и со многубројните моќни чуда што ги изврши, голем број еретици ги врати во Православието. Беше облечен толку просто, што кога еднаш поканет од царот сакаше да влезе во царскиот дворец, војникот мислејќи дека е некој просјак му удри шлаканица. Кроткиот и незлоблив Спиридон му го заврти и другиот образ. Откако Го прослави Бога со многубројни чуда и на многумина им покористи поединечно, а и на целата Божја Црква, се упокои во Господ во 348 година. Неговите чудотворни мошти сега се на островот Крф и ден денес Го прославуваат Бога со многубројни чуда.

 Молитва кон свети Спиридон Чудотворец

Голем и пречудесен светителу Спиридон, пофалбо Керкирска, блескаво светило на целата вселена, пред Бога топол молитвенику за сите оние кои прибегнуваат кон тебе и брз застапнику на сите оние кои со вера ти се молат! Меѓу Отците на Никејскиот собор преславно верата православна си ја објаснил, единството на Пресвета Троица со чудесна сила си го покажал, а еретиците до крај си ги посрамил. Услиши не’ нас грешните кои ти се молиме, Светителу Христов, и со твоето силно застапништво пред Господа избави не’ од секоја неволја, од глад, потоп, оган и смртоносни рани.

Во својот привремен живот од сите неволји си ги избавувал луѓето, од налетите агарјански и од глад си ја спасувал својата земја, царот од неизлечива болест си го избавил и многу грепници кон покајание си ги привел, мртвите преславно си ги воскреснувал, а поради светоста на твојот живот во црквата ангели невидливо ти сослужувале и пееле. Така те прослави тебе, Својот верен слуга, Владиката Христос, во сите скриени дела човечки да проникнеш те дарувал, и да ги разобличиш оние кои неправедно живеат. На мнозина во беда и сиромаштија усрдно си им помагал, во време на глад немоќните си ги нахранувал, и многу други дела со силата на Духот Свет Кој во тебе престојува си извршувал.

Не не’ оставај ниту нас, Светителу Христов, спомни си за чедата свои пред Престолот на Седржителот, и измоли од Бога да ни дарува опростување на нашите многубројни гревови, спокоен живот, непосрамен и мирен завршеток на нашиот живот, и удостој не’ со вечните блаженства на идниот век, за секогаш слава и благодарност да Му вознесуваме на Отецот и Синот и Светиот Дух, сега и секогаш, и во вековите на вековите. Амин.